पर्वत । नेपाल महिला संघ पर्वतले साहसी महिला नेत्रीहरुको फोटो स्थापना गरी नेपाल महिला संघ पर्वतले ७५ औं स्थापना दिवस मनाएको छ । नेपालको प्रजातान्त्रीक आन्दोलनमा महत्वपूर्ण योगदान पुर्याउने नेपाल महिला संघको संस्थापक अध्यक्ष मंगलादेबि सिंह, नेपाली कांग्रेसको पहिलो महिला मन्त्री दुवारिका देबि ठकुराइन र पहिलो महिला उपप्रधानमन्त्री सैलजा आचार्यको फोटो स्थापित गरि कार्यक्रमको समुद्घाटन गरिएको थियो । स्थापना दिवसको अवसरमा एक महिने ‘क्षमता अभिबृद्धि तथा नेतृत्व विकासमा नेपाल महिला संघ’ अभियान पनि शुरु भएको छ ।
उक्त अभियान पर्वतका सात वटै पालिकामा एक महिनासम्म संचालन हुनेछ । वडा गत तहमै पुगेर महिलाहरुको क्षमता अभिबृद्धि तथा नेतृत्व विकासमा सहयोग पुर्याउने लक्ष्य लिईएको संघकी अध्यक्ष मुना शर्मा लामिछानेले बताउनुभयो । यसका साथै महिलाहरुलाई कार्य सहजताका लागि कार्यालयमा महिला कक्षको माग पनि गरिएको उहाँले जानकारी दिनभयोे ।