पुतलीबजार नगरपालिकाद्वारा शिक्षक बक्तृत्वकला प्रतियोगिता सम्पन्न।
रमेश गाेदार, स्याङ्जा ।
पुतलीबजार नगरपालिकाले शिक्षक बक्तृत्वकला प्रतियोगिता सम्पन्न गरेको छ । नगरपालिकाभित्रका सामुदायिक तथा संस्थागत विद्यालयका शिक्षकहरूका बिचमा प्रतियोगिता सम्पन्न गरिएको हाे ।
म बिद्यार्थीका लागि, बिद्यार्थी मेराे लागि भन्ने शीर्षकमा भएकाे प्रतियोगितामा पूण्यशिला आधारभूत बिद्यालयका शिक्षक ज्याेति थापाले प्रथम स्थान हासिल गर्नुभएको छ ।
प्रतियोगितामा शिक्षा शाखा प्रमुख बाबुराम बराल, पूर्व शिक्षक शिव तिमिल्सिना, रेडियो स्याङ्जाका प्रमुख व्यवस्थापक रमेश गाेदार निर्णायक भूमिकामा रहनुभएकाे थियाे ।
प्रतियोगितामा पुतलीबजार नगरपालिकाभित्रका ९ जनाकाे सहभागिता थियाे । कार्यक्रममा बाेल्दै नगर प्रमुख तुलसीराम रेग्मीले विद्यार्थीकाे मात्र प्रतियोगिता भइरहेकाे अवस्थामा शिक्षकहरूकाे प्रतियोगिता नाैलाे भएकाे बताउदै प्रतियोगिताले शिक्षककाे क्षमता बिकाससँगै गुणस्तरीयतामा सहयाेग पुग्ने बताउनुभयाे ।
यस्ता कार्यक्रमका लागि पालिकाले बजेटकाे व्यवस्थापन गरि निरन्तरता दिने बताउँदै प्रमुख रेग्मीले बिजेताले जिल्ला प्रदेश तहमा पनि बिजयी हुन शुभकामना व्यक्त गर्नुभयो ।
कार्यक्रममा उपप्रमुख देवी अर्यालले यस्तो प्रतियोगिता शिक्षकहरूका लागि पनि प्रतिभा प्रदर्शन गर्ने अवसर भएकाे बताउँदै यस्तो कार्यक्रमकाे निरन्तरता दिने बताउनुभयाे ।
कार्यक्रममा प्रमुख प्रशासकीय अधिकृत हरिराम नागिला, महिला तथा बालबालिका शाखा प्रमुख ठगी कुमारी खनाल, शाखाका गाेविन्द सुवेदीले सहजीकरण एवं शुभकामना मन्तव्य राख्नुभएको थियाे ।
प्रतियोगिताका बिजेताले पाैष १८ गते हुने जिल्ला स्तरिय प्रतियोगितामा सहभागिता जनाउने शिक्षा शाखा प्रमुख बाबुराम बरालले जानकारी दिनुभयो ।
